FM í dart fyri U13 U18
Nú skulu føroyameistarar í dart finnast millum ung!
Dartsamband Føroya og Havnar Dartfelag skipa nú fyri FM fyri U13 og U18.
Fýra FM-umfør fyri U13 og U18 verða í vetrarhálvuni í 2024. Kappingarnar geva allar stig, og samlaðir vinnarar fyri U13/U18 verða funnir eftir øll fýra umførini.
REGLUR
U13 (fødd 2011, ella seinni). Tey spæla 501, uttan at enda við double. Somuleiðis er ikki krav at brúka fulla avstandin til skivuna, altso børnini kunna standa innanfyri oche og kasta.
Stig verða givin til 16 tey fremstu í hvørjum umfari. Føroyameistari verður funnin eftir fýra umfør.
U18 (fødd frá 2012-2006). Tey spæla 501 við double, og brúka fasta avstandin, sum tey vaksnu (2,37cm). Gentur og dreingin kappast saman bæði í U13 og í U18.
Stig verða givin til 16 tey fremstu í hvørjum umfari. Føroyameistari verður funnin eftir fýra umfør.
VINNINGAR
Medaljur og vinningar frá Dartshop.fo eru til hvørt umfar, umframt at Føroyameistarar vinna steyp og dartútgerð frá Dartshop.fo.
SKRÁ
Dato fyri FM-umførini hjá U13 og U18
- Sunnudagin 15. September
Kl 14:00 – uml 17:00
Vertir eru Havnar Dartfelag
Adressa – Djóna í Geilsgøta 1, Tórshavn - Sunnudagin 6. Oktober
Kl 14:00 til uml 17:00
Vertir eru Argja Dartfelag
Adressa – Guli skúli á Argjum - Mánadag 28. Oktober
Kl 14:000 – uml 17:00
Vertir eru D9, Dartfelagið á Skála
Ítróttarhøllin á Skála - Sunnudagin 10. November
Kl 14:00 – uml 17:00
Vertir eru Havnar Dartfelag
Adressa – Djóna í Geilsgøta 1, Tórshavn
Kappingarnar byrja allar kl 14:00, og hølini eru opin 1 tíma áðrenn kappingin byrjar. Kappingarnar eru nokk lidnar umleið kl 17.
Tilmelding er á staðnum, í seinasta lagi 13:45 kappingardagin.
