Fyrsta FM-umfarið varð leikt á Skála í vikuskiftinum, og HDF hevði fleiri spælarar við í øllum kappingunum. Eisini nýggir limir royndu seg fyri fyrstu ferð í kapping og fingu sera góð úrslit.
Hjá kvinnunum fekk Maibritt Hvíthamar eitt flott 2. pláss. Finalan var ein endurtøka av FM-finaluni í 2023, og leingi sá út til at Maibritt hesaferð fór at vinna á Beintu Joensen, tí hon var á odda heili 3-0. Men hóast Maibritt hevði fleiri dystarpílar, so vann Beinta 4-3 í einari spennandi finalu.
Hjá monnum fekk HDF medaljur bæði í A- og B-bólkinum og í tvímansleiki.
Jóanes Árting vann bronsu í B-bólkinum. Hann spældi móti vinnaranum av kappingini Benny Hansen í semifinaluni.
Í A-bólkinum var aftur ein endurtøka av FM-finaluni í 2023. Úrslitið varð eisini hitt sama, Uni Árting vann á Jan McIntosh 7-3 í finaluni.
Í tvímansleiki vunnu Jan og Uni kappingina, og Bogi Arge og Janus Jakobsen fingu hægst útgang á 141.
Úrslitini av ársins fyrstu kapping
Kvinnur
Nr 1 Beinta Joensen KDF
Nr 2 Maibritt Hvíthamar HDF
Nr 3 Jóna Miðalberg KDF
Nr 3 Kristbjørg Reinert Vesturklett VDF
Menn A
Nr 1 Uni Árting HDF
Nr 2 Jan McIntosh HDF
Nr 3 Petur Thomsen D16
Nr 3 Jan Erik Fjallstein VDF
Menn B
Nr 1 Benny Hansen D16
Nr 2 Egin Hallgrímsson ADF
Nr 3 Jóannes Árting HDF
Nr 3 Jógvan Olivur Kallsoy EDF
Tvímansleikur
Nr 1 Uni Árting og Jan McIntosh
Nr 2 Petur Thomsen & Allan Við Rætt
Nr 3 Benny Hansen og Per R. Rasmussen
Nr 3 John Bjarni Fredriksberg og Jann í Giljum
