Eftir eitt langt dartvikuskifti í Reykjavík, venda føroysku spælararinir aftur til síni heimligu feløg. Fleiri teirra við góðum úrslitum.
Ikki kann sigast annað enn at úrslitini, serliga hjá Jan McIntosh hava verið framúr góð. Jan megnaði at vinna Iceland Open 2024, og vann silvur í Iceland Masters sunnudagin eisini. Hetta eru vit í felagnum sera errin av.
Jan hevur nú víst í øllum teimum seinastu altjóða kappingunum hann hevur luttikið í, at hann kann vinna á nærum øllum á WDF-tourinum.
