FM fyri U13 & U18
Fyrsta umfar í FM kappingini fyri U13 og U18 fyri 2024 varð í dag hildin í Havnar Dartfelag.
Tilsamans vóru útvið 25 luttakarar við í kappingunum umboðandi feløg í Tórshavn (HDF), Argjum (ADF), Fuglafirði (P&S) og Suðuroy (SDF). Stóra luttakaratalið boðar frá einari bjartari framtíð fyri dartítróttin í Føroyum.
Tað eru Dartsamband Føroya og Havnar Dartfelag sum í felag skipaðu fyri fyrsta umfarinum. Næsta umfar verður á Argjum 6. Oktobur, og kappingin verður hildin í hølunum hjá Argja Dartfelag í Gula Skúla ( Gamla Argjaskúla).
Úrslit, Umfar 1
U13
- Liljan Mouritsen (HDF)
- Lukas Egholm (ADF)
- Mika Heinesen (HDF)
- Villiam Nikolajson (HDF)
U18
- Djóni Samuelsen (HDF)
- Eli Heinesen (P&S)
- Ingi Johannesen (HDF)
- Páll Fríði Ziskason (HDF)
